Tadu agu Céngka Ranga: Bacaan I Minggu III Prapaskah

1
Hi Musa tadu rangan
Toé patun te lélo néra ranga de Mori Keraéng
Ai dod salan, ndékok penong béo
Noing le Musa rangan hitu srapang tangké

2
Dod ata tadu rangan
Toé merep weki run, ritak lélo lata
Rantang baé ranga tu’ungn te wintuk cehan
Ko landing pandé da’at

3
Dong kali aku pandé nau ranga
Ca barin kolé aku mbela rangag
Kudut tambang uwa, molas, agu reba
Endong lélon, tebel merep weki

4
Maik bolo mai ranga de Mori Keraéng
Sanggén situ wuka agu wéngkas taung
Ného hi Musa, aku noingk, teserg
Ranga daku, srapang tangké dod wintuk mosé

5
Ného hi Musa aku paka ruis api momang de Morin
Pandé muntung srapang ranga wintuk tangké
Lélo sreméng oné néra ranga de Mori Keraéng
Kudut ranga daku ciri sreméng mosé latang te haé ata

Ruteng, 23 Maret 2025