3
Céwé bombong nai te ngaji ata, céwén kolé latang isé éndé siot koé moséd, aik mendo le kéot moséd, po rapa ngasangn agu rangan le da’at hitut pandé mata ucu wekin, maik wintuk te mengitn ngong pandé ludung ucu weki data, nitu main todo bengkes, imbi, agu momang ata werasn kéta
4
Di’an te nuk laing te aku toé nggitu kaut ciri céwé patun, céwé di’a, céwé nggeluk, céwé nggélok oné ca ka’éngg, oné banca daku, oné adak daku, oné agama daku le pandé da’at ata canggu toé manga téti nai agu pati nai te ngo oné mai cupu main oné salang hitut camay, ného wintuk de ata Samaria hiot di’a nain.
5
Émé manga tu’ung petarn te hia pandé salang agu ontongy oné merik wekin agu koé mosén, ko aik pandé redé bérit agu létang témba lata ca banay te pandé wintuk ata rojong agu ata beti nai laingn, nitu main, téti nai di’a, pati ati ciri salang olé, teser, agu te ina laingn latang te hia (ného nggitu kolé aku), agu ho’oy ata ciri wua ata méntotn kéta oné cekeng prapaskah le ngaji oné lik, meti weti oné hema, agu pati nai le nggireng wakar.
Ruteng, 3 April 2025
